25th, December
Sunday, 25 December 2016
Saturday, 24 December 2016
Tuesday, 20 December 2016
પડકારતા નૈ
મારી ખુદ્દારી ને ખુમારીને લલકારતા નૈ,
હું મૌન છું તો મૌન રહેવા દો, મને પડકારતા નૈ.
ભીતર ભર્યો છે એની યાદોનો બારુદ,
જો જો તમે તણખો પણ સળગાવતા નૈ.
હાથ ઝાલો કોઈનો તો વિચારીને ઝાલઝો,
મહોબ્બતના મધદરિયે કોઈને તરછોડતા નૈ.
ખુદાને આવવું હશે તો આવશે એની મેળે,
વારે ઘડીએ બીચારાને પોકારતા નૈ.
સુવા દેજો નિરાંતે 'પ્રતિક' મને મારી કબરમાં,
જો જો એનું નામ લઈને જગાડતા નૈ.
- પ્રતિક
Sunday, 18 December 2016
લાગે છે
તારા ન હોવાનો જ્યારે અણસાર લાગે છે,
મારા હોવાપણાંનો પણ મને ભાર લાગે છે.
આ તમારા ધર્મગ્રંથો મુબારક હો તમને બધા,
મને તો પ્રેમ માત્ર સઘળાંનો સાર લાગે છે.
દિવસ રાત મને ઉંહકારા સંભળાયા કરે છે,
મારી ભીતર નક્કી કોઈ બિમાર લાગે છે.
મોત મળતુંય નથી ને આવતુંય નથી,
ખુદા તને પણ તો મારી દરકાર લાગે છે.
'પ્રતિક' એની રાહ જોવાની જીંદગીભર,
એને વિચારવામાં ઘણી બધી વાર લાગે છે.
- પ્રતિક
Subscribe to:
Comments (Atom)
